Učarašni čartarny rejs Minsk — Sałała viartajecca ŭ Minsk
Z-za ŭviadzieńnia abmiežavańniaŭ na paloty ŭ pavietranaj prastory samalot byŭ vymušany pryziamlicca na zapasnym aeradromie ŭ Maskacie — stalicy Amana. Paviedamleńnie pra abmiežavańni avijakampanija atrymała ŭ toj momant, kali bort z pasažyrami ŭžo nabližaŭsia da Sałały — druhoha pa vieličyni horada Amana, paviedamiła avijakampanija «Biełavija».
Zdymak ilustracyjny. Fota: AP Photo / Pavel Bednyakov
Pa ŭzhadnieńni z avijapieravozčykam turystyčny apieratar, jaki źjaŭlajecca zakazčykam rejsa, pryniaŭ rašeńnie viarnuć samalot u Minsk dziela harantavańnia biaśpieki pasažyraŭ. Z Maskata bort vylecieŭ nazad u Biełaruś.
Turystam, jakija ciapier znachodziacca ŭ Sałale, arhanizavana pražyvańnie i charčavańnie. Vyvazny rejs płanujecca na 4 sakavika 2026 hoda.
Čytajcie taksama:
«Basiejny zakrytyja, na plažy rekamiendujuć nie chadzić». Što kažuć turysty ŭ AAE i Katary
Na siońnia zapłanavany rejs Dubaj — Minsk
«Biełavija» paviedamiła, što ciapier budzie z rejsami ŭ Dubaj i Dochu