Palitźniavolenuju Alenu Malinoŭskuju, jakuju paŭtorna aryštavali ŭ dzień vyzvaleńnia, buduć sudzić pa novych kryminałkach

Jak paviedamlaje Dissidentby, žančynu vinavaciać pavodle č. 1 art. 130 KK (raspalvańnie varožaści) i č. 3 art. 361 KK (zakliki da sankcyj abo inšych dziejańniaŭ, škodnych dla nacyjanalnaj biaśpieki). Ahułam Alenie naličyli 8 epizodaŭ. U čym kankretna abvinavačvajuć palitźniavolenuju, pakul nieviadoma. 

Alena Malinoŭskaja. Fota: spring96.org

Raniej Alenu Malinoŭskuju nie vyzvalili paśla 4 hadoŭ źniavoleńnia, suprać jaje zaviali novuju spravu. 31 žniŭnia 2025 hoda žančyna pavinna była vyjści na volu, adnak zamiest hetaha jaje prosta z kałonii pieravieźli pad vartu ŭ Minsk.

Alena Malinoŭskaja była asudžanaja ŭ 2022 hodzie razam ź Lilijaj Ananian i Anatolem Łatuškam, stryječnym bratam palityka Paŭła Łatuški. Joj pryznačyli 4 hady pazbaŭleńnia voli za «chulihanstva» i «ździek ź dziaržaŭnych simvałaŭ» — za malunki hierba «Pahonia» i spaleny ściah.

Kamientary da artykuła