«Samaje humannaje rašeńnie». U brytanskim zaaparku ŭ adzin dzień usypili dvuch sastarełych nierazłučnych siabroŭ
U zaaparku brytanskaha horada Ńjukviej u adzin dzień praviali eŭtanaziju kapibary pa mianušcy Džonsan i brazilskaha tapira Eła. Hetyja žyvioły byli daŭnimi siabrami i žyli razam u adnym valjery, paviedamlaje Bi-bi-si.
Kapibara Džonsan i tapir Eł. Fota: Newquay Zoo
Sa słoŭ supracoŭnikaŭ zaaparka, i kapibary, i tapiry — spakojnyja i sacyjalnyja žyvioły, tamu za hady sumiesnaha žyćcia jany mocna pryviazalisia adna da adnoj i byli amal nierazłučnyja.
Apošnija miesiacy dzieviacihadovy Džonsan i dvaccacihadovy Eł mieli surjoznyja prablemy sa zdaroŭjem, źviazanyja z uzrostam. U vyniku administracyja pryniała rašeńnie pra eŭtanaziju. Jaje praviali ŭ adzin dzień, kab nivodnaja z žyviolin nie zastałasia ŭ adzinocie paśla straty kampańjona.
Tapir Eł i kapibara Džonsan. Fota: Newquay Zoo
Pradstaŭniki zaaparka adznačyli, što raźvitańnie z abodvuma adnačasova było ciažkim, ale jany ličać heta samym humannym rašeńniem. Śmierć Džonsana i Eła nazvali vialikaj strataj jak dla supracoŭnikaŭ, jakija dahladali žyvioł, tak i dla naviedvalnikaŭ zaaparka.
Čytajcie taksama:
Małpačka ź Japonii rasčuliła ŭvieś śviet svajoj luboŭju da plušavaj cacki FOTY
U hrodzienskim zaaparku rychtujucca da viasiella žuravoŭ
U Hrodzienskim zaaparku pakazali, suprać jakoj prymanki nie moža ŭstajać jahuar VIDEA