Afhanistan pačaŭ vajennuju apieracyju suprać Pakistana
Ułady Afhanistana, dzie ciapier kiruje isłamiscki ruch «Taliban», zajavili pra pačatak šyrokamaštabnaj vajskovaj apieracyi suprać Pakistana. Pavodle ich słoŭ, afhanskija siły atakujuć pakistanskija błokpasty, i nibyta ŭžo ŭziatyja pad kantrol 15 pazicyj biez strat z afhanskaha boku, paviedamlaje Euronews.
Fota: AP Photo/Saqib Manzoor
U Kabule śćviardžajuć, što heta adkaz na avijaŭdary, jakija Pakistan nanios unočy ŭ niadzielu pa afhanskich pravincyjach Nanharchar i Paktyka. Pavodle źviestak misii AAN u Afhanistanie, u vyniku tych udaraŭ zahinuli nie mienš jak 13 mirnych žycharoŭ, u toj čas jak afhanskija ŭłady paviedamlajuć pra 18 zahinułych. Pakistanski bok raniej zajaŭlaŭ, što ŭ vyniku avijaŭdaraŭ byli likvidavanyja bolš za 80 bajevikoŭ.
Aficyjnych kamientaroŭ z boku Pakistana adnosna novaj apieracyi pakul nie pastupała.
Isłamabad tłumačyŭ avijaŭdary adkazam na sieryju teraktaŭ u Pakistanie, učynienych śmiarotnikami. Pakistanskija ŭłady abvinavačvajuć «Taliban» u tym, što jon nie pieraškadžaje bajevikam pierasiakać miažu i dziejničać na pakistanskaj terytoryi. Afhanski bok hetyja abvinavačańni adchilaje.
Čytajcie taksama:
U Pakistanie ździejśnili terakt u miačeci, zahinuli bolš za 30 čałaviek
U Minsk pryjechała delehacyja ad afhanskich talibaŭ
Na miažy Tadžykistana i Afhanistana adbyłosia ŭzbrojenaje sutyknieńnie, zahinuli jak minimum troje