Źjavilisia novyja rascenki na haz, ciapło i elektryčnaść dla nasielnictva

Premjer-ministr Biełarusi Alaksandr Turčyn padpisaŭ pastanovu Savieta Ministraŭ «Ab ustanaŭleńni dla nasielnictva cen na haz, taryfaŭ na elektryčnuju i ciepłavuju enierhiju», paviedamlaje pres-słužba ŭrada.

Zdymak ilustracyjny. Fota: «Naša Niva»

Pastanovaj praduhledžvajecca pavieličeńnie z 1 sakavika 2026 h. cen (taryfaŭ), zychodziačy z padychodaŭ, pryniatych pry raźmierkavańni pryrostu płaciažoŭ pa typavoj kvatery sumaj 22,5 rubla abo 0,5 bazavaj adzinki pamiž usimi žyllova-kamunalnymi pasłuhami.

Cana hazu pavialičvajecca na 7,07% (padaražańnie płaciažu za košt rostu taryfu na hetu pasłuhu — 0,93 rubla).

Taryfy na elektraenierhiju pavialičvajucca na 7% (padaražańnie płaciažu — 2,99 rubla).

Taryfy na ciepłaenierhiju pavialičacca z 1 červienia 2026 hoda na 7,3% (padaražańnie płaciažu — 3,12 rubla, u tym liku na aciapleńnie — 2,6 rubla, na haračaje vodazabieśpiačeńnie — 0,53 rubla).

Padaražańnie 1 bałona zvadkavanaha hazu — 1,7 rubla.

Kamientary da artykuła