Rumynija prypyniła vydaču viz biełarusam
Rumynija časova prypyniła vydaču šenhienskich i nacyjanalnych viz — pra heta havorycca ŭ paviedamleńni na sajcie pasolstva krainy ŭ Minsku. Z 1 lutaha konsulski adździeł zakryty, kali jaho praca adnovicca — pakul nieviadoma.
Fota: Lookby.media
Rumynija ŭvajšła ŭ Šenhienskuju zonu krychu mienš za dva hady tamu, u sakaviku 2024 hoda. Z krasavika taho ž hoda konsulstva pačało prymać zajaŭki na turystyčnyja vizy. Navina ab hetym paradavała biełarusaŭ, adnak davoli chutka vyśvietliłasia, što dypłamatyčnaja misija nie źbirałasia prajaŭlać ščodraść: miescy dla zapisu źjaŭlajucca redka, patrabavańniaŭ šmat, terminy viz karotkija, vierahodnaść admaŭleńnia vielmi vysokaja.
Da 2026 hoda situacyja amal nie źmianiłasia. Ekśpiertny kanał «Vizavy krot» u studzieni pastaviŭ rumynskaje pasolstva na apošniaje miesca ŭ rejtynhu łajalnaści da žadajučych atrymać vizu — razam z bałharskim, piša Onliner.by.
Što Bałharyja robić u «šenhienie», nie zrazumieła. Jany prydumlajuć svaje praviły, pałochajuć turystaŭ anulacyjaj vizy, prykładajuć maksimum namahańniaŭ, kab raspužać astatnich zajaŭnikaŭ, asabliva ŭ niesiezon. Z rumynami situacyja prykładna takaja ž, tolki da ich jašče i nie zapisacca.