Da rezidencyi Trampa sprabavaŭ prarvacca mužčyna sa strelbaj. Jaho zastrelili
Mužčyna va ŭzroście kala 20 hadoŭ byŭ zastreleny paśla taho, jak jon, jak śćviardžajecca, parušyŭ achoŭny pierymietr majontka prezidenta Donalda Trampa Mar-a-Łaha ŭ Pałm-Bič (štat Fłaryda), paviedamiła Sakretnaja słužba ZŠA.
Majontak Donalda Trampa Mar-a-Łaha. Fota: AP Photo/Steve Helber, File
Incydent adbyŭsia ŭ niadzielu kala 1:30 nočy, kali padazravany ździejśniŭ «niesankcyjanavanaje praniknieńnie» na terytoryju ŭładańnia, pieradaje Fox News.
Mužčyna pry sabie mieŭ pradmiet, padobny da strelby, i kanistru z palivam.
Ahienty i pamočnik šeryfa akruhi Pałm-Bič ustupili ŭ supraćstajańnie z mužčynam. U vyniku taho zastrelili.
Što chacieŭ zrabić toj mužčyna ŭ rezidencyi Trampa, nieviadoma.