Да рэзідэнцыі Трампа спрабаваў прарвацца мужчына са стрэльбай. Яго застрэлілі
Мужчына ва ўзросце каля 20 гадоў быў застрэлены пасля таго, як ён, як сцвярджаецца, парушыў ахоўны перыметр маёнтка прэзідэнта Дональда Трампа Мар-а-Лага ў Палм-Біч (штат Фларыда), паведаміла Сакрэтная служба ЗША.
Маёнтак Дональда Трампа Мар-а-Лага. Фота: AP Photo/Steve Helber, File
Інцыдэнт адбыўся ў нядзелю каля 1:30 ночы, калі падазраваны здзейсніў «несанкцыянаванае пранікненне» на тэрыторыю ўладання, перадае Fox News.
Мужчына пры сабе меў прадмет, падобны да стрэльбы, і каністру з палівам.
Агенты і памочнік шэрыфа акругі Палм-Біч уступілі ў супрацьстаянне з мужчынам. У выніку таго застрэлілі.
Што хацеў зрабіць той мужчына ў рэзідэнцыі Трампа, невядома.