Z žorstkaj kałonii ŭ Zareččy vyzvaliłasia palitźniavolenaja SIEO-mieniedžarka Nastaśsia Pakataškina
Dziaŭčynu asudzili za danat, ale pakolki jana kaliści traplała pa niepalityčnym artykule, to jaje adpravili da recydyvistak.
Nastaśsia Pakataškina
Stała viadoma pra vyzvaleńnie palitźniavolenaj Nastaśsi Pakataškinaj, jakaja adbyvała termin u kałonii №24 u Zareččy ŭ Rečyckim rajonie.
Pakataškina była aryštavanaja ŭ krasaviku 2023 hoda. Joj prysudzili try hady kałonii za danaty.
Adnak pakolki ŭ pačatku 2010‑ch Nastaśsiu pryciahvali pa narkatyčnym artykule (č.1 art. 328 Kryminalnaha kodeksa), jaje adpravili ŭ kałoniju dla tych, chto paŭtorna trapiŭ za kraty.
Pa infarmacyi pravaabaroncaŭ, u kałonii ŭ Zareččy zastajucca palitźniavolenyja Alena Łazarčyk i Volha Majorava. Jany abiedźvie byli dadatkova asudžanyja za «niepadparadkavańnie administracyi».