U Łuninieckim rajonie kiroŭca naśmierć źbiŭ piešachoda
21 lutaha kala 20‑j hadziny viečara ŭ Łuninieckim rajonie adbyłosia darožna-transpartnaje zdareńnie, u vyniku jakoha zahinuŭ piešachod.
43‑hadovy žychar Baranavič kiravaŭ aŭtamabilem Volkswagen i ruchaŭsia pa aŭtadarozie R-13 «Kleck — Siniaŭka — Hancavičy — Łuniniec» u kirunku ad ahraharadka Bastyń da Hancavič.
Pavodle papiaredniaj infarmacyi, na 95‑m kiłamietry darohi jon najechaŭ na 41‑hadovaha žychara Bastyni, jaki išoŭ pa prajeznaj častcy ŭ tym ža kirunku.
Paviedamlajecca, što piešachod nie mieŭ na sabie śviatłoadbivalnych elemientaŭ. U vyniku najezdu mužčyna zahinuŭ.