Tramp pavysiŭ hłabalnyja taryfy z 10% da 15%
20 lutaha prezident ZŠA Donald Tramp, daviedaŭšysia, što Viarchoŭny sud ZŠA pryznaŭ mnohija raniej uviedzienyja im mytnyja taryfy suprać roznych krain niekanstytucyjnymi i admianiŭ ich, zajaviŭ pra ŭviadzieńnie hłabalnych taryfaŭ pamieram 10% na ŭvieś impart. Ale na hetym nie spyniŭsia.
Donald Tramp. Fota: Chip Somodevilla / Getty Images
«Na padstavie hruntoŭnaha, detalovaha i poŭnaha razhladu niedarečnaha, drenna napisanaha i nadzvyčaj antyamierykanskaha rašeńnia pa taryfach, vyniesienaha ŭčora Viarchoŭnym sudom Złučanych Štataŭ paśla šmatmiesiačnych razvažańniaŭ, dazvolcie hetaj zajavie słužyć paćviardžeńniem taho, što
ja, jak prezident Złučanych Štataŭ Amieryki, z hetaha času pavyšaju 10‑pracentny suśvietny taryf dla krain, mnohija ź jakich dziesiacihodździami «abdzirali» ZŠA biez adpłaty (pakul nie źjaviŭsia ja!), da całkam dazvolenaha i jurydyčna pravieranaha ŭzroŭniu ŭ 15%.
Na praciahu nastupnych niekalkich miesiacaŭ administracyja Trampa vyznačyć i ŭviadzie novyja jurydyčna dapuščalnyja taryfy, jakija praciahnuć naš nadzvyčaj paśpiachovy praces. Zrobim Amieryku znoŭ vialikaj — vialikaj jak nikoli raniej!!!», — napisaŭ Donald Tramp u svajoj sacyjalnaj sietcy Truth Social.
Čytajcie taksama:
Viarchoŭny sud ZŠA pryniaŭ rašeńnie ab admienie bolšaści taryfaŭ, uviedzienych Donaldam Trampam
Tramp nazvaŭ hańbaj rašeńnie «hetych čortavych sudoŭ»
Tramp dadaŭ jašče 10% taryfaŭ na ŭvieś impart paśla pryznańnia raniejšych mytaŭ niezakonnymi