Takajeŭ prapanavaŭ Radzie miru zasnavać premiju imia Trampa
Na pieršym pasiadžeńni trampaŭskaj Rady miru prezident Kazachstana Kasym-Žamart Takajeŭ prapanavaŭ stvaryć śpiecyjalnuju premiju imia prezidenta ZŠA Donalda Trampa. Meta ŭznaharody — adznačyć jaho zasłuhi ŭ mirotvorčaj dziejnaści.
Kasym-Žamart Takajeŭ i Donald Tramp. Fota: Harun Ozalp / Anadolu via Getty Images
«Ja chacieŭ by prapanavać zasnavać śpiecyjalnuju ŭznaharodu Rady miru imia prezidenta Trampa, kab adznačyć jaho vydatnyja zasłuhi ŭ miratvorčaj dziejnaści», — zajaviŭ Takajeŭ.
Rada miru była stvorana pa inicyjatyvie Trampa ŭ studzieni 2026 hoda. Arhanizacyja pryznačanaja dla kiravańnia siektaram Haza i vyrašeńnia inšych hłabalnych kanfliktaŭ. De-fakta jana znachodzicca pad kantrolem ZŠA i asabista Trampa, a farmirujecca ź lidaraŭ dziaržaŭ, jakija zaprašajucca da ŭdziełu. Dla atrymańnia statusu pastajannaha člena arhanizacyi patrabujecca ŭniosak u pamiery 1 miljarda dalaraŭ.
Čytajcie taksama:
Tramp sabraŭ z udzielnikaŭ Rady miru 7 miljardaŭ dalaraŭ na patreby Hazy
U Vašynhtonie pačałosia pieršaje pasiadžeńnie trampaŭskaj «Rady miru»
Na Radu miru ŭ ZŠA ŭrešcie nie pajechaŭ navat Ryžankoŭ
Stała viadoma, dziela čaho Łukašenka nie pajechaŭ da Trampa na Samit miru ŭ Vašynhton