Biełarusa spynili na miažy z Rasijaj z karovinymi hałovami
14 studzienia 2026 hoda na punkcie «Krasnaja Horka» rasijskaj mytni pravieryli hruzavik, jakim kiravaŭ hramadzianin Biełarusi. U mašynie znachodzilisia zamarožanyja karoviny hałovy ahulnaj vahoj kala 2,5 tony, što pieravozilisia ŭ Rasijskuju Fiederacyju.
Fota: 32.fsvps.gov
Padčas kantrolu vyśvietliłasia, što na subpradukty adsutničajuć vieterynarnyja supravadžalnyja dakumienty. Pavodle rasijskaha zakanadaŭstva, u takim vypadku pradukcyja ličycca nieviadomaha pachodžańnia, jakaja moža być niebiaśpiečnaj dla zdaroŭja ludziej i stvarać ryzyku raspaŭsiudžvańnia zachvorvańniaŭ žyvioł.
Na zvarot rasijskaha boku z prośbaj dazvolić viarnuć hruz nazad biełaruski Departamient vieterynarnaha i charčovaha nahladu 13 lutaha adkazaŭ admovaj.
U vyniku 16 lutaha było vydadziena pradpisańnie zabaranić vykarystańnie hetaj pradukcyi i nakiravać jaje na ŭtylizacyju ŭ śpiecyjalizavanuju arhanizacyju.
Pieravozčyk pryciahnuty da administracyjnaj adkaznaści za parušeńnie pravił uvozu ŭ Rasijskuju Fiederacyju pradukcyi žyviolnaha pachodžańnia.