MNS napiaredadni Dnia rodnaj movy zrabiła biełaruskamoŭnym ceły tydzień
U telehram-kanale Ministerstva nadzvyčajnych situacyj ranicaj 16 lutaha źjaviłasia paviedamleńnie, što napiaredadni Mižnarodnaha dnia rodnaj movy, jaki adznačajecca 21 lutaha, viedamstva robić «važny krok nasustrač našym kulturnym karaniam».
«Na praciahu bližejšaha tydnia naš Telegram‑kanał i internet‑partał MNS Biełarusi buduć vieści viaščańnie na biełaruskaj movie», — abjaviła MNS.
I sapraŭdy, nastupnyja paviedamleńni ŭ kanale pačali źjaŭlacca pa-biełarusku.
«Rodnaja mova — heta nie tolki srodak znosin, ale i žyvaja nitka, jakaja złučaje pakaleńni, historyju i sercy ludziej. Tamu zaprašajem vas prajści hety šlach razam z nami — adkryć dla siabie pryhažość, hučańnie i ciepłyniu biełaruskaj movy ŭ štodzionnych navinach, paradach i paviedamleńniach», — adznačaje pres-słužba Ministerstva nadzvyčajnych situacyj.
Čytajcie taksama:
Tekst biełaruskaj dyktoŭki ŭ Varšavie budzie čytać Zianon Paźniak
Biełarusaŭ šakavali školniki z Karmy — jany nie pierakłali nivodnaha biełaruskaha słova
Kitajec vyvučaŭ biełaruskuju movu, pajechaŭ u Minsk, ale akazałasia, što tam na joj nie razmaŭlajuć