Tramp: Dziaržavy-ŭdzielnicy Rady miru vydzielać bolš za 5 miljardaŭ dalaraŭ na Hazu
Udakładnieńnia pra toje, jakija krainy vydaduć hrošy, niama.
Fota: Chip Somodevilla / Getty Images
Krainy, jakija ŭstupili ŭ Radu miru Trampa, abaviazalisia dać bolš za piać miljardaŭ dalaraŭ na adnaŭleńnie Hazy.
«19 lutaha 2026 hoda da mianie znoŭ dałučacca členy Rady miru ŭ Instytucie miru imia Donalda Dž. Trampa ŭ Vašynhtonie, akruha Kałumbija, dzie my abjavim, što dziaržavy-ŭdzielnicy abaviazalisia vydać bolš za 5 MILJARDAŬ DALARAŬ na humanitarnuju dapamohu i adnaŭleńnie Hazy, a taksama nakiravać tysiačy supracoŭnikaŭ u mižnarodnyja siły stabilizacyi i miascovuju palicyju dla padtrymańnia biaśpieki i miru dla žycharoŭ Hazy», — napisaŭ Donald Tramp u svajoj sacsietcy Truth Social.
Nahadajem, Biełaruś taksama ŭstupiła ŭ stvoranuju Trampam Radu miru. Alaksandra Łukašenku zaprašali i na Samit miru, jaki budzie 19 lutaha ŭ Vašynhtonie, ale jon nie palacić.