Italjaniec vypadkova vykinuŭ u śmiećcie 20 załatych źlitkaŭ
Italjanskaja palicyja viarnuła mužčynu zołata, jakoje jon vypadkova vykinuŭ razam z bytavym śmiećciem. Incydent adbyŭsia na poŭdni Italii, piša Reuters.
Zdymak ilustracyjny. Fota: freepik.com
Pačałosia ŭsio z taho, što miascovy žychar pryjšoŭ u palicejski ŭčastak u horadzie Porta Čezarea kala Leče i paviedamiŭ, što ŭ jaho źnikła skrynačka z 20 załatymi źlitkami. Ich ahulny košt składaŭ kala 120 tysiač jeŭra. Paźniej vyśvietliłasia, što mužčyna ź nieaściarožnaści sam vykinuŭ zołata ŭ śmietnicu.
Pravaachoŭniki chutka adsačyli pieramiaščeńni mužčyny i prahledzieli zapisy z kamier nazirańnia. Na videa było vidać, što skrynačka trapiła ŭ hramadski kantejnier na plažy, a zatym razam ź inšymi adkidami była vyviezienaja na miascovaje pradpryjemstva dla sartavańnia śmiećcia.
Paśla niekalkich hadzin starannych pošukaŭ supracoŭniki znajšli paškodžanuju skrynačku. Unutry byli ŭsie 20 załatych źlitkaŭ. Zołata viarnuli zakonnamu ŭładalniku.
Čytajcie taksama:
Machlary vymanili ŭ piensijanierki załatyja źlitki amal na 220 tysiač rubloŭ
Mieksikaniec sprabavaŭ zavieźci ŭ Biełaruś kaštoŭnaści na 40 tysiač rubloŭ
Hramadzianka Hiermanii marna sprabavała ŭvieźci ŭ Biełaruś 15 załatych źlitkaŭ
Biełaruska mieła 700 hramaŭ zołata, da jaje pryjšli machlary z «pravierkaj»