U dziŭnym minskim HC zakryvajecca hipiermarkiet «Hipa»
Hipiermarkiet «Hipa» ŭ handlovym centry Diamond City zakryvajecca. Z 14 lutaha krama pracavać nie budzie, adkazali ŭ instahramie čytaču vydańnia Realt.
Uviečary ŭ čaćvier u hetym «Hipa» było zusim mała ludziej, a kramu, vidać, užo rychtavali da zakryćcia: kala ŭvachoda zamiest stełažoŭ sa źnižkami — šmat volnaj prastory, u miasnym adździele pustata, na palicach taksama zaŭvažna mienš tavaraŭ.
Jakaja krama pryjdzie na miesca «Hipa», pakul nie raskazvajuć. «Hipa» pracavaŭ u Diamond City z samaha adkryćcia ŭ 2018 hodzie.
Diamond City znachodzicca kala Malinaŭki, ale za MKADam. Trapić tudy biez mašyny niaprosta. U vyniku handlovy centr ad pačatku vyhladaŭ adnym z samych pustych i niezapatrabavanych siarod staličnych handlovych centraŭ.
Čytajcie taksama:
Jašče ŭ adnoj minskaj kramie zapracavała sistema z tałonami ŭ čarhu, jak u banku
«Dažyli». U tyktoku abmiarkoŭvajuć tałony na kuplu miasa ŭ «Hipa»
U centry Minska źjavicca budaŭničy hipiermarkiet
Na Niamizie ŭ Minsku dabudoŭvajuć šmatfunkcyjanalny kompleks z vadaspadam i drevami na dachu