У дзіўным мінскім ГЦ закрываецца гіпермаркет «Гіпа»
Гіпермаркет «Гіпа» ў гандлёвым цэнтры Diamond City закрываецца. З 14 лютага крама працаваць не будзе, адказалі ў інстаграме чытачу выдання Realt.
Увечары ў чацвер у гэтым «Гіпа» было зусім мала людзей, а краму, відаць, ужо рыхтавалі да закрыцця: каля ўвахода замест стэлажоў са зніжкамі — шмат вольнай прасторы, у мясным аддзеле пустата, на паліцах таксама заўважна менш тавараў.
Якая крама прыйдзе на месца «Гіпа», пакуль не расказваюць. «Гіпа» працаваў у Diamond City з самага адкрыцця ў 2018 годзе.
Diamond City знаходзіцца каля Малінаўкі, але за МКАДам. Трапіць туды без машыны няпроста. У выніку гандлёвы цэнтр ад пачатку выглядаў адным з самых пустых і незапатрабаваных сярод сталічных гандлёвых цэнтраў.
Чытайце таксама:
Яшчэ ў адной мінскай краме запрацавала сістэма з талонамі ў чаргу, як у банку
«Дажылі». У тыктоку абмяркоўваюць талоны на куплю мяса ў «Гіпа»
У цэнтры Мінска з'явіцца будаўнічы гіпермаркет
На Нямізе ў Мінску дабудоўваюць шматфункцыянальны комплекс з вадаспадам і дрэвамі на даху