Arciom Radźkoŭ pakinuŭ pasadu hałoŭnaha treniera kiprskaha «Arysa»
40‑hadovy biełaruski śpiecyjalist padaŭ u adstaŭku z pasady hałoŭnaha treniera «Arysa» (Limasoł) z vyšejšaha futbołnaha dyvizijona Kipra.
Football.by
Byłaja kamanda Radźkova zajmaje 5‑ie miesca ŭ turnirnaj tablicy čempijanatu Kipra.
Pad jaho kiraŭnictvam kłub pravioŭ 27 matčaŭ i zdabyŭ 14 pieramoh, adnak kamanda prajhrała ŭ troch apošnich matčach, a taksama vylecieła z Kubka Kipra.
Arciom Radźkoŭ, jaki byŭ pryznany najlepšym trenieram Biełarusi ŭ 2022 hodzie, uznačaliŭ «Arys» u mai minułaha hoda, źmianiŭšy inšaha biełaruskaha śpiecyjalista Alaksieja Špileŭskaha, što pierabraŭsia ŭ «Pary NN» (Rasija).
Špileŭski treniravaŭ «Arys», jaki maje biełaruski śled, z 2022 hoda i pryvioŭ kamandu ŭ 2023 hodzie ŭpieršyniu da čempijonstva ŭ pieršynstvie Kipra.
Ahułam biełaruskija śpiecyjalisty pracujuć hałoŭnymi trenierami ŭ vyšejšych dyvizijonach Kazachstana, Rasii, Małdovy i Słavienii.
Čytajcie taksama:
Biełaruski trenier uznačaliŭ salidny futbolny kłub, jaki hulaje ŭ hrupavym raŭndzie jeŭrakubkaŭ