Łaŭreatku Nobieleŭskaj premii Narhiz Machamadzi ŭ Iranie pryhavaryli da siami z pałovaj hadoŭ turmy
Prysud byŭ vyniesieny 7 lutaha sudom u horadzie Miešchied, paviedamlaje The Guardian.
Narhiz Machamadzi. Fota: Reihane Taravati / AFP via Getty Images
«Jana pryhavorana da šaści hadoŭ pazbaŭleńnia voli za schody i zmovu, da paŭtara hoda — za prapahandu, a taksama da dvuchhadovaj zabarony na vyjezd z krainy», — paviedamiŭ advakat iranskaj pravaabaroncy Mastafa Nili.
Akramia taho, Machamadzi prysudzili jašče dva hady ŭnutranaj vysyłki ŭ horad Chosf, jaki znachodzicca prykładna za 740 kiłamietraŭ na paŭdniovy ŭschod ad Tehierana.
Machamadzi, jakuju aryštavali ŭ śniežni padčas pratestnaj demanstracyi, z 2 lutaha trymaje haładoŭku.
Za hady pravaabarončaj dziejnaści Narhiz aryštoŭvali 13 razoŭ i piać razoŭ pryhavorvali da źniavoleńnia. U studzieni 2022 hoda Machamadzi prysudzili vosiem hadoŭ turmy za «prapahandu suprać dziaržavy» i špijanaž na karyść Saudaŭskaj Aravii. U 2023 hodzie Machamadzi stała łaŭreatkaj Nobieleŭskaj premii, prysudžanaj joj za baraćbu suprać pryhniotu žančyn u Iranie, a taksama za adstojvańnie pravoŭ čałavieka i svabod dla ŭsich.
U śniežni 2024 hoda Machamadzi atrymała časovaje vyzvaleńnie pa miedycynskich pryčynach.