Rasiejec, jaki dapamahaŭ u zamachu na hienierała HRU Alaksiejeva, pracavaŭ u źviazanaj z FSB kampanii

Rasśledavalnik Chrysta Hrozieŭ znajšoŭ novyja detali spravy. «Pavarot siužetu», — prakamientavaŭ jon.

Kadr ź videa ź miesca zamachu na hienierała HRU Alaksiejeva

6 lutaha ŭ Maskvie sprabavali zabić namieśnika kiraŭnika HRU Uładzimira Alaksiejeva — u liftavym chole jaho doma na Vałakałamskaj šašy. 

Pa padazreńni ŭ vykanańni zamachu zatrymali 65‑hadovaha Lubamira Korbu (jon hramadzianin Rasii, ale naradziŭsia va Ukrainie). Jaho schapili ŭ Dubai i dastavili ŭ Maskvu. 

U Maskvie zatrymali taksama, jak śćviardžaje FSB, jaho pamočnika 66‑hadovaha Viktara Vasina. Inšaja pamočnica Zinaida Sierabryckaja, pavodle FSB, paśpieła vyjechać va Ukrainu.

Rasśledavalnik Chrysta Hrozieŭ paviedamiŭ, što Viktar Vasin jak minimum da žniŭnia 2025 pracavaŭ u źviazanaj z FSB kampanii pa raspracoŭcy srodkaŭ sačeńnia NTC «Atłas» (u 2017 hodzie pieradadziena «Rastechu»).

U NTC «Atłas» Vasin zajmaŭ pasadu hałoŭnaha ekśpierta.

«Pavarot siužetu», — prakamientavaŭ Hrozieŭ.

U archiŭnym reziume Vasin apisvaje siabie jak «načalnik stancyi spadarožnikavaj suviazi, staršy aficer — načalnik štaba pałka, majstar vajennaj spravy».

Tydzień tamu Vasin abnaviŭ svajo reziume na sajcie HeadHunter. U raździele «Pra mianie» paznačana «arhanizacyja režymu sakretnaści; zachavańnia dziaržtajamnicy; budaŭnictva, stvareńnie i ŭvod u ekspłuatacyju vajennych kompleksaŭ suviazi».

Kamientary da artykuła