Biełaruska Maryna Zujeva zaniała na Alimpijadzie 15‑je miesca
U pieršy paŭnavartasny dzień zimovaj Alimpijady ŭ Italii prajšli spabornictvy pa kańkabiežnym sporcie siarod žančyn na dystancyi 3000 mietraŭ.
Maryna Zujeva
Biełaruska Maryna Zujeva tut zaniała 15‑ie miesca, pakazaŭšy čas 4 chviliny 7,09 siekundy. Usiaho na start vychodzili 20 spartsmienak.
Najlepšym vynikam Zujevaj u siezonie 2025/2026 pierad Alimpijskimi hulniami-2026 stała 8‑ie miesca na dystancyi 3000 mietraŭ na etapie Kubka śvietu ŭ Chamary (Narviehija). Taksama jana pakazała 10‑y vynik u śviecie (3:59,88) na hetaj ža dystancyi na etapie Kubka śvietu ŭ Sołt-Łejk-Sici.
Zołata Alimpijady zavajavała italjanka Frančeska Łołabrydžyda. Jaje vynik — 3.54,28, heta alimpijski rekord. Darečy, akurat siońnia ŭ jaje byŭ dzień naradžeńnia — spartsmiency spoŭniłasia 35 hadoŭ.
Sierabro dastałasia narviežcy Rahne Vikłund (3.56,54), bronza — kanadcy Valery Malte (3.56,93).
Nahadajem, što biełaruskija spartsmienki na Alimpijadzie-2026 vystupajuć u niejtralnym statusie.
Čytajcie taksama:
Hanna Karalova finišavała ŭ łyžnym skijatłonie na 34‑m miescy
Šviejcaryja vyjhrała pieršaje zołata Alimpijady