Na Mahiloŭščynie buduć vyrablać čyrvonuju ikru, ale nie dla taho, kab jaje jeści

U Mahiloŭskaj vobłaści na bazie haspadarki «Łachva» chutka pačnuć unikalnuju dla Biełarusi vytvorčaść tavarnaj čyrvonaj ikry. Adnak, pa słovach kiraŭnika kamiteta ekanomiki Mahiloŭskaha abłvykankama Alaksandra Varapajeva, ikru buduć vykarystoŭvać nie dla ježy, a dla raźviadzieńnia stronhi, piša Office Life.

Zdymak ilustracyjny. Fota: freepik.com

Novy kompleks užo dabudavany i ŭvodzicca ŭ poŭny vytvorčy cykł. Jak adznačyŭ Varapajeŭ, «ikru łyžkami jeści nie buduć», bo jaje pryznačeńnie — pradukt dla raźviadzieńnia ryby. Pieršuju infarmacyju pra stvareńnie padobnaha kompleksu ŭ Čerykavie abviaścili jašče ŭ 2023 hodzie.

Raniej płanavali adkryć fiermy pa raźviadzieńni kaštoŭnych vidaŭ ryby ŭ Chocimskim, Čerykaŭskim i Krasnapolskim rajonach da kanca 2025 hoda. Najbujniejšy z kompleksaŭ dazvolić atrymlivać da tysiačy ton stronhi ŭ hod i budzie ŭnikalny tym, što rybu płanujuć vyroščvać z ułasnaha malka.

Prajekt realizuje UP «Rybhas Pałuž», «dačka» haspadarki «Łachva». Na pramysłovyja abjomy fiermy pavinny vyjści da 2027 hoda, ale pieršyja ŭłovy čakajuć užo ŭ 2026-m. U lipieni minułaha hoda ŭrad vydzieliŭ haspadarcy «Łachva» subsidyju na pahašeńnie pracentaŭ pa kredytach.

Kamientary da artykuła