Ci majuć taksisty prava admović pasažyram ź dziećmi praz adsutnaść kresła?
Ministerstva transpartu i kamunikacyj śćviardžaje adnaznačna: nie mohuć.
Zdymak ilustracyjny. Fota: freepik.com
U viedamstvie adznačyli, što zvaroty z padobnymi skarhami pastupajuć davoli časta. Tam nahadali: pieravozka pasažyraŭ taksi ažyćciaŭlajecca na ŭmovach publičnaj damovy i rehulujecca zakonam ab aŭtamabilnym transparcie i pieravozkach.
Pavodle pravił, kiroŭca taksi abaviazany vykonvać zakazy, jakija pieradaje dyśpietčar abo jakija pastupajuć praz elektronnyja servisy. Pry hetym pieravozka dziaciej u taksi dazvalajecca i bieź śpiecyjalnych utrymlivajučych pryład.
Takim čynam, adsutnaść aŭtakresła abo bustara nie źjaŭlajecca zakonnaj padstavaj dla admovy ŭ pajezdcy.
U Mintransie padkreślili, što nieabhruntavanaja admova ŭ pieravozcy pasažyra ličycca administracyjnym parušeńniem i moža paciahnuć adkaznaść pavodle artykuła 18.26 Kodeksa ab administracyjnych pravaparušeńniach.
Čytajcie taksama:
U Biełarusi paśla «Uli» chočuć abmiežavać ceny na taksi
Ci moža taksist admovicca vieźci pasažyra z łyžami i sankami? Moža, ale nie zaŭsiody