Hanna Karalova finišavała ŭ łyžnym skijatłonie na 34‑m miescy
Siońnia na Zimovaj Alimpijadzie prajšli spabornictvy pa łyžnym skijatłonie.
Fryda Karłsan. Skrynšot videa
Dziaŭčaty biehli na łyžach 10 km kłasičnym stylem, potym mianiajuć łyžy i biahuć 10 km volnym (abo kańkovym) stylem.
Zołata vyjhrała šviedka Fryda Karłsan z vynikam 53 chviliny 45:2 siekundy srebra ŭ jaje suajčyńnicy Eby Andersan z adstavańniem na 51 siekundu, bronza ŭ narviežki Chejdzi Venh (+1 chvilina 26,7 siekundy).
Hanna Karalova finišavała na 34‑m miescy z adstavańniem na šeść chvilin ad pieramožcy.
U aŭtorak Hanna voźmie ŭdzieł u spryncie kłasičnym styli, ale kab trapić u 1/4 finału, treba paśpiachova prajści kvalifikacyju. U čaćvier projdzie honka volnym stylem na 10 kiłamietraŭ z raździelnym startam.
Siońnia a 18‑j spabornictvy pa zabiehu na 3000 mietraŭ z udziełam biełaruski Maryny Zujevaj.