U Biełarusi paśla «Uli» chočuć abmiežavać ceny na taksi

U Biełarusi razhladajuć mahčymaść abmiežavańnia cenaŭ na taksi ŭ kryzisnych situacyjach. Hetaje pytańnie abmiarkoŭvałasia na naradzie ŭ Ministerstvie antymanapolnaha rehulavańnia i handlu z udziełam pradstaŭnikoŭ dyśpietčarskich słužbaŭ, pieravozčykaŭ i dziaržaŭnych orhanaŭ.

Zdymak ilustracyjny. Fota: «Naša Niva»

Nahodaj dla dyskusii stali prablemy, jakija ŭźnikli ŭ studzieni padčas bušavańnia cykłonu «Uli». Tady na liniju vychodziła tolki kala 60% zvyčajnaj kolkaści aŭtamabilaŭ, čas čakańnia taksi pavialičyŭsia prykładna ŭ dva z pałovaj razy, a kolkaść pajezdak skaraciłasia da 70%. Pry hetym ceny dla pasažyraŭ vyraśli ŭ paŭtara-try razy.

Pa vynikach sustrečy MARH prapanavała vyvučyć mahčymaść zaklučeńnia śpiecyjalnych pahadnieńniaŭ pamiž ministerstvam i słužbami taksi. Meta takich dakumientaŭ — zamacavać pryncypy sacyjalna adkaznych pavodzin na rynku pasažyrskich pieravozak.

Płanujecca, što hetyja pahadnieńni buduć rehulavać pracu taksi nie tolki padčas ekstremalnych umoŭ nadvorja, ale i ŭ pieryjad praviadzieńnia bujnych mižnarodnych mierapryjemstvaŭ. U ich mohuć uvajści pałažeńni ab abmiežavańni taryfaŭ u časy pikavaha popytu, a taksama abaviazacielstvy pa infarmacyjnym uzajemadziejańni i ŭdziele ŭ sacyjalnych inicyjatyvach.

Kamientary da artykuła