Mieteazond z kantrabandaj pryziamliŭsia na terytoryi składa sietki Maxima pad Vilniaj. Rabotniki chacieli padzialić cyharety

U Łandvarovie (Lentvarysie) pad Vilniaj, na terytoryi składa sietki Maxima, u minułuju sieradu ranicaj byŭ znojdzieny mieteazond z kantrabandaj. Jak paviedamlaje vydańnie Delfi, paźniej fakt paćvierdzili i pradstaŭniki kampanii. Na borcie mieteazonda znachodziłasia skrynka, u jakoj, vierahodna, byli kantrabandnyja cyharety.

Fota ilustracyjnaje

Pres-sakratarka Maxima Śniehuole Valaŭhajcie paviedamiła, što kampanija vyklikała palicyju, jakaja zabrała hruz i pieradała jaho pamiežnikam. Sietka taksama pieradała ŭsiu nieabchodnuju infarmacyju dla rasśledavańnia i pakul nie moža davać padrabiaznyja kamientary.

Pa danych pamiežnikaŭ, u skryncy było 1400 pačkaŭ cyharet i GPS-datčyk.

Jak śćviardžaje krynica Delfi, rabotniki składa navat adčapili skrynku ad mieteazonda i sprabavali padzialić cyharety pamiž saboj, ale ich dziejańniam pieraškodziŭ achoŭnik. Hetaja infarmacyja, praŭda, aficyjna nie paćvierdžanaja ni palicyjaj, ni Maxima.

U kampanii Maxima jašče praciahvajecca ŭnutranaje rasśledavańnie incydentu.

U noč z 27 na 28 studzienia radary zafiksavali ŭ Litvie samuju intensiŭnuju pavietranuju ataku — 42 mietki ŭ niebie. Tady ž upieršyniu paśla amal dvuchmiesiačnaha pierapynku była znoŭ parušanaja praca Vilenskaha aeraporta. 

Kamientary da artykuła