Biełaruskim płyŭcam-junijoram dazvolili vystupać pad čyrvona-zialonym ściaham

Jeŭrapiejskaja fiederacyja vodnych vidaŭ sportu pamianiała praviły ŭdziełu biełaruskich i rasijskich spartsmienaŭ u svaich spabornictvach. Ciapier junaki i junijory ź Biełarusi i Rasii mohuć vystupać na mižnarodnych turnirach pad ułasnymi dziaržaŭnymi ściahami.

Fota ilustracyjnaje

Abmiežavańni dla spartsmienaŭ ź biełaruskimi i rasijskimi pašpartami ŭ junackich i junijorskich katehoryjach źniatyja jak u indyvidualnych, tak i ŭ kamandnych vidach. Na ŭsich spabornictvach im dazvolena ŭdzielničać biez dadatkovaj pravierki bijahrafičnych źviestak, z vykarystańniem dziaržaŭnaj simvoliki, formy, himnaŭ i inšych aficyjnych elemientaŭ — pry ŭmovie, što nacyjanalnyja fiederacyi majuć dziejnuju akredytacyju ŭ European Aquatics.

Pry hetym darosłyja spartsmieny i pradstaŭniki kamand pa-raniejšamu mohuć vystupać tolki paśla atrymańnia niejtralnaha statusu.

Kamientary da artykuła