Zialenski: Na poli boju zahinuli kala 55 tysiač ukrainskich vajskoŭcaŭ
Prezident Ukrainy Uładzimir Zialenski paviedamiŭ, što pavodle aficyjnych źviestak na poli boju zahinuli kala 55 tysiač ukrainskich vajskoŭcaŭ — jak prafiesijnych, tak i mabilizavanych. Pra heta jon zajaviŭ u intervju francuzskamu telekanału France 2, piša vydańnie Le Monde.
Pachavańnie vajskoŭca Aleha Baravika ŭ horadzie Bajarka Kijeŭskaj vobłaści. 3 lutaha 2026 hoda. Fota: AP Photo/Evgeniy Maloletka
Pry hetym Zialenski adznačyŭ, što zastajecca taksama vialikaja kolkaść ludziej, jakich va Ukrainie ličać źnikłymi bieź viestak.
Hod tamu, u lutym 2025 hoda, Uładzimir Zialenski nazyvaŭ našmat mienšuju ličbu — kala 45 tysiač zahinułych ukrainskich vajskoŭcaŭ z pačatku poŭnamaštabnaha ŭvarvańnia Rasii, a kolkaść paranienych tady aceńvałasia prykładna ŭ 390 tysiač.
Čytajcie taksama:
U Abu-Dabi damovilisia pra novy abmien vajennapałonnymi
Va ŭkrainskim Słavucičy pachavali biełarusku, što była paranienaja na vajnie z Rasijaj