Pavyšeńnie kamunałki pieranieśli na 1 sakavika
Alaksandr Łukašenka pieranios pavyšeńnie taryfaŭ na žyllova-kamunalnyja pasłuhi z 1 studzienia na 1 sakavika 2026 hoda. Heta rašeńnie, jak paviedamlaje pres-słužba palityka, było pryniata, kab pamienšyć finansavuju nahruzku na nasielnictva pry apłacie aciapleńnia ŭ mocnyja studzieńskija marazy.
Zdymak ilustracyjny. Krynica: «Naša Niva»
Adpaviednuju prapanovu Łukašenku ŭnios urad, i jana była padtrymanaja. Pavodle papiarednich raźlikaŭ, vydatki enierhietyčnych arhanizacyj na aciapleńnie z-za marazoŭ pavialičylisia na 45%, što mahło pryvieści da značnaha rostu płaciažoŭ dla hramadzian.
Raniej płanavałasia, što novyja taryfy pačnuć dziejničać z pačatku 2026 hoda, i pieršy etap pavyšeńnia skłaŭ by 19,37 rubla na ŭsie pasłuhi, akramia aciapleńnia i haračaj vady.
Pavodle acenak pres-słužby Łukašenki, dla siamji z troch čałaviek u dvuchpakajovaj kvatery płoščaj 48 m² hadavaja płata ŭzrasła b prykładna na 22,5 rubla, što składaje kala 0,5 bazavaj vieličyni.
Čytajcie taksama:
U Hienprakuratury raskazali, jakija skarhi ich cikaviać u tyktoku
Pavyšajuć taryfy na žyllova-kamunalnyja pasłuhi
Žach na piać pavierchaŭ: jak žyvie i pakutuje samaja vialikaja kamunałka Minska
Praź miesiac stanie praściej raździalić asabovyja rachunki na kamunałku