Vajskoŭca z roty hanarovaj varty, jaki paśla pracavaŭ u achovie dyppradstaŭnictvaŭ, asudzili za palityku

31‑hadovaha Maksima Siamitku zatrymali amal hod tamu.

Maksim Siamitka. Fota ź jahonaj staronki Ukantakcie

Maksim Siamitka naradziŭsia 8 studzienia 1995 hoda. Rodam jon z Homielščyny — vučyŭsia ŭ škole №2 u Naroŭli, paźniej žyŭ u Mazyry i Kalinkavičach.

Padčas naboru ŭ armiju Siamitka trapiŭ u elitnaje padraździaleńnie — rotu hanarovaj varty, jakaja ŭdzielničaje va ŭračystych mierapryjemstvach dziaržaŭnaha ŭzroŭniu. Tudy biaruć tolki chłopcaŭ vysokaha rostu z pravilnymi rysami tvaru. Miarkujučy pa sacsietkach, Maksim pajšoŭ na dembiel u 2016 hodzie.

Maksim Siamitka (źleva) padčas słužby. Fota ź jahonaj staronki Ukantakcie

Paśla vojska Maksim pajšoŭ pracavać u milicyju. Ź lipienia 2016 hoda jon słužyŭ u Departamiencie achovy MUS. Siamitka byŭ milicyjanieram-kiroŭcam u śpiecyjalnym bataljonie, słužba jakoha źviazana z achovaj dypłamatyčnych pradstaŭnictvaŭ. U 2019‑m dasłužyŭsia da zvańnia staršaha siaržanta milicyi.

Dakładna nieviadoma, dzie jon pracavaŭ apošnim časam.

Apošni raz Maksim byŭ anłajn va «Ukantakcie» 23 lutaha 2025 hoda, praz dva tydni paśla taho, jak stała viadoma pra ŭzłom čata kanała «Biełaruski Hajun».

Maksima Siamitku asudzili ŭ Viciebskim abłasnym sudzie pavodle častak 1 i 2 artykuła 361‑4 KK («sadziejničańnie ekstremisckaj dziejnaści»). Padobna, što pa spravie Hajuna.

Jamu prysudzili chimiju z nakiravańniem ci kałoniju. U sacsietki Siamitka nie viarnuŭsia.

Kamientary da artykuła