U maroznym Minsku ŭsio adno zimujuć redkija pieralotnyja ptuški

Sioleta navukoŭcy i vałanciory praviali štohadovy ŭlik ptušak, jakija zimujuć u Minsku i jaho vakolicach. Praz chałodnaje nadvorja kolkaść ptušak značna skaraciłasia: ich amal na 40% mienš, čym minułaj anamalna ciopłaj zimoj. Ale ŭsio adno naličyli kala 8 tysiač asobin, piša Sb.by.

Haršnep

Sioleta bolšaść vadajomaŭ zamierzła, tamu miescaŭ dla žyćcia čajkam i kačkam zastałosia niašmat. Tym nie mienš, śpiecyjalisty zafiksavali 27 vidaŭ ptušak, siarod jakich siem — «čyrvanaknižniki».

Siarod inšych na Śvisłačy zaŭvažyli redkich kačak — šyłachvostku (1 asobinu) i śvijaź (2 asobiny).

Śvijaź

I ŭžo sapraŭdnaj redkaściu stała sustreča z dvuma haršnepami (vid kulikoŭ). Heta vielmi skrytnaja ptuška, jakuju navat letam ubačyć u nas składana, a jaje zimoŭka ŭ našych šyrotach — źjava ŭnikalnaja.

Arnitołahi adznačajuć, što choć ahulnaja kolkaść ptušak i źmienšyłasia, Minsk usio roŭna zastajecca važnym prytułkam dla redkich vidaŭ u maroznyja časy.

Kamientary da artykuła