Stała viadoma, kali adnoviacca pieramovy pa ŭrehulavańni va Ukrainie
Novy etap pieramoŭ ab urehulavańni vajny pamiž Rasijaj i Ukrainaj adbudziecca 4—5 lutaha ŭ Abu-Dabi. Pra heta paviedamiŭ pres-sakratar prezidenta Rasii Dźmitryj Piaskoŭ.
Padčas pieršaha raŭnda pieramoŭ u Abu-Dabi
Sa słoŭ Piaskova, druhi raŭnd sustreč pieršapačatkova płanavaŭsia na 1 lutaha, ale byŭ pieraniesieny praź nieabchodnaść uzhadnić hrafiki delehacyj Rasii, Ukrainy i ZŠA.
Ciapier paćvierdžana, što pieramovy projduć u sieradu i čaćvier.
Raniej prezident Ukrainy Uładzimir Zialenski nie vyklučaŭ pieranosu terminaŭ sustrečy ŭ Abu-Dabi praz abvastreńnie adnosin pamiž ZŠA i Iranam.
Pieršy etap pieramoŭ z udziełam ZŠA adbyŭsia 23—24 studzienia ŭ zakrytym farmacie. Tady baki ŭpieršyniu niepasredna abmiarkoŭvali mirny płan, prapanavany Vašynhtonam. Usie ŭdzielniki acanili sustreču jak kanstruktyŭnuju.
Jak paviedamlali ŚMI, samym składanym pytańniem na pieramovach stała prablema terytoryj, a taksama abmiarkoŭvałasia ideja stvareńnia bufiernaj zony. Piaskoŭ adznačaŭ, što kantrol nad Danbasam i zachodnija harantyi biaśpieki dla Ukrainy zastajucca klučavymi pieraškodami dla dasiahnieńnia damoŭlenaściaŭ.
Naprykancy studzienia śpiecpasłańnik prezidenta ZŠA Styŭ Uitkaf vykazaŭ aściarožny aptymizm paśla sustrečy ŭ Fłarydzie z udziełam rasijskich i amierykanskich pradstaŭnikoŭ.
Čytajcie taksama:
Zialenski paćvierdziŭ damoŭlenaści ab «enierhietyčnym pieramirji» z Rasijaj
Piaskoŭ: Pieramovy Pucina ź Zialenskim mahčymyja tolki ŭ Maskvie