Piaskoŭ: Pieramovy Pucina ź Zialenskim mahčymyja tolki ŭ Maskvie
Pres-sakratar Kramla adkazaŭ na słovy Uładzimira Zialenskaha.
Fota: Mikhail Metzel, Sputnik, Kremlin Pool Photo via AP; AR
«Zialenski prapanuje kantakty. Pucin skazaŭ, što jany mahčymyja ŭ Maskvie. Hetaja pazicyja zastajecca našaj pazicyjaj, jana dastatkova paśladoŭnaja», — pieradaje słovy Piaskova RIA-Naviny.
U piatnicu Uładzimir Zialenski ŭ razmovie z žurnalistami admoviŭsia ad prapanovy Kramla na pieramovy ŭ stalicy Rasii.
«Viadoma, dla mianie niemahčyma sustrecca z Pucinym u Maskvie. Heta było b toje samaje, što sustrecca z Pucinym u Kijevie, — skazaŭ prezident Ukrainy. — Ja publična zaprašaju Pucina ŭ Kijeŭ, kali jon, viadoma, advažycca. Ja hatovy da luboha farmatu samitu lidaraŭ, ale nie ŭ Maskvie ci Biełarusi».