U Minsku na zaniatki pryjšła tolki čverć školnikaŭ
Ale zaniatki nie admienienyja.
Fota: LookBy.Media
«Ustanovy adukacyi z razumieńniem pastavilisia da rašeńnia baćkoŭ pakinuć dziaciej doma. Razam z tym ad nas pastupiła rekamiendacyja nie pravodzić adukacyjny praces pa fizičnaj kultury i zdaroŭi na vulicy. Hetyja ŭroki pravodziacca ŭ spartyŭnych pamiaškańniach, u spartyŭnych załach», — raskazała Volha Śmirnova, namieśnik staršyni kamiteta pa adukacyi Minharvykankama.
Siońnia ranicaj u Minsku było minus 25 marozu, a 11:30 — minus 20.
Pa źviestkach upraŭleńnia Minadukacyi, u navučalnym 2025‑2026 hodzie ŭ Minsku naličvajecca 223 tysiačy školnikaŭ, takim čynam na zaniatki siońnia pryjšoŭ tolki kožny čaćvierty.
U Pružanskim rajonie zaniatki ŭ škołach byli admienienyja. taksama byli admienienyja zaniatki ŭ Hłybockim i Dokšyckim rajonach.