Ci žyvuć u minskim mietro vielizarnyja pacuki?
U sacsietkach i na forumach rehularna źjaŭlajucca strašnyja raskazy pra «hihanckich pacukoŭ», jakija nibyta nasialajuć tuneli minskaj padziemki. Pavodle viersii aŭtaraŭ takich historyj, pamiery hryzunoŭ paraŭnalnyja z pamierami sabaki. U mietrapalitenie, adnak, zapeŭnivajuć: heta nie bolš čym haradskaja lehienda.
Zdymak ilustracyjny. Fota: freepik.com
Faktyčna źjaŭleńnie hihanckich pacukoŭ u mietrapalitenie niemahčymaje. Padziemnyja zbudavańni mietro — asiarodździe z abmiežavanym dostupam da ježy. U takich umovach bujnyja žyvioły prosta nie zmohuć tam vyžyć, nie kažučy ŭžo pra farmiravańnie kałonij.
Praŭda, hryzuny sapraŭdy mohuć sustrakacca na stancyjach — jak i ŭ lubym bujnym horadzie. Ale, jak praviła, jany trymajucca bližej da miescaŭ, dzie mahčymyja krynicy ježy, a nie ŭ tunelach.
Fota: t.me/minskoemetro
Dla padtrymańnia sanitarnaj biaśpieki ŭ mietrapalitenie rehularna pravodzicca płanavaja deratyzacyja. Raboty vykonvajucca śpiecyjalizavanymi arhanizacyjami i nakiravanyja na kantrol kolkaści hryzunoŭ i abaronu infrastruktury padziemki.
Mietro — heta składany inžynierny abjekt, dzie čyścinia i biaśpieka znachodziacca pad pastajannym kantrolem. A «pacuki-mutanty» zastajucca častkaj haradskich lehiend.
Čytajcie taksama:
U minskim mietro raskazali, što chavajecca za zahadkavymi dźviaryma na ścienach stancyj
U minskim mietro raskazali, jakija kaštoŭnyja rečy zabyvajuć u śpiešcy pasažyry