Va Ukrainie i Małdovie pakrysie adnaŭlajecca padača elektryčnaści
Enierhasistema adnaŭlajecca paśla avaryi, adnak deficyt mahutnaściej zastajecca vielmi vysokim.
Fota: UNIAN
Ludziej, u jakich ciapier jość elektraenierhija, zaklikali karystacca joju aščadna, paviedamlaje Ukrainskaja słužba Radyjo Svaboda.
U Charkaŭskaj, Žytomirskaj i Adeskaj abłaściach užo viartajuć śviatło žycharam. U Kijevie, Kijeŭskaj i Dnieprapiatroŭskaj abłaściach adnavili elektrazabieśpiačeńnie krytyčnaj infrastruktury, nasielnictvu elektraenierhiju buduć viartać pastupova. U niekatorych abłaściach pakul dziejničajuć avaryjnyja adklučeńni.
U Ministerstvie ličbavaj transfarmacyi Ukrainy abvierhli čutki, što avaryju vyklikała kibierataka.
Pavodle źviestak uładaŭ, avaryja adbyłasia ŭ vyniku adnačasovaha adklučeńnia vysakavoltnych linij pamiž enierhasistemami Rumynii i Małdovy, a taksama pamiž zachodniaj i centralnaj častkami Ukrainy.
U susiedniaj Małdovie, dzie taksama adbyŭsia maštabny zboj, praces adnaŭleńnia elektrazabieśpiačeńnia ŭžo znachodzicca na zaviaršalnaj stadyi.