Bolš za 200 čałaviek zahinuli ŭ vyniku abvału šacht na ŭschodzie DR Konha
Aficyjnaj pryčynaj nazvanyja mocnyja daždžy.
Fota: Michel Lunanga / Getty Images
Apoŭzień abrynuŭ niekalki šacht na bujnym radoviščy na ŭschodzie Demakratyčnaj Respubliki Konha, u vyniku čaho zahinuli jak minimum 200 čałaviek, piša The Associated Press.
Apoŭzień adbyŭsia ŭ šachtach, jakija kantralujucca miascovaj vajenizavanaj hrupoŭkaj M23, a jaho aficyjnaj pryčynaj nazvanyja mocnyja daždžy.
Były šachcior, jaki pracavaŭ na hetym učastku, raspavioŭ AP, što apoŭźni adbyvalisia nieadnarazova, pakolki tuneli ŭ šachtach byli vykapanyja ŭručnuju i nie absłuhoŭvalisia naležnym čynam.
Uschodniaje Konha dziesiacihodździami pieražyvaje kryzisy. Hady kanfliktaŭ u krainie pryviali da adnaho z najbujniejšych u śviecie humanitarnych kryzisaŭ, u vyniku jakoha bolš za 7 młn čałaviek byli vymušanyja pakinuć svaje damy.
Sa śniežnia 2025 hoda bolš za 300 tysiač žycharoŭ krainy pakinuli svaje žytło.
Rudnik, na jakim adbyŭsia apoŭzień, raźmieščany ŭ bahatym na karysnyja vykapni rehijonie krainy, jaki ŭ traŭni 2024 hoda zachapiła hrupoŭka M23, što padtrymlivałasia Ruandaj.