Mašynami Belgee možna budzie kiravać praz mabilny dadatak
Aŭtamabilami Belgee ŭ budučyni možna budzie kiravać dystancyjna praź śpiecyjalnuju mabilnuju prahramu. Pra heta paviedamili ŭ Dziaržkamvajenpramie, dzie raspracavali prahramna-aparatny kompleks pad nazvaj T-box.
Novaja sistema dazvolić uładalnikam biełaruskich madelaŭ Belgee— X50, X70 i S50 — kantralavać svaje mašyny sa smartfona abo płanšeta paśla ŭstanoŭki abstalavańnia i prachodžańnia aŭtaryzacyi ŭ dadatku.
Asnovaj T-box staŭ užo viadomy prybor UVS-M, pryznačany dla vykliku ekstrannych słužbaŭ. Jaho sieryjna vypuskaje pradpryjemstva «AHAT — sistemy kiravańnia».
Z dapamohaj novaj sistemy ŭładalnik zmoža zahadzia ŭklučać abo naładžvać klimat-kantrol, adčyniać i začyniać vokny, luk, bahažnik, błakavać dźviery, a taksama atrymlivać aktualnuju infarmacyju pra stan aŭtamabila. Dadatak budzie pakazvać uzrovień paliva abo zarad akumulatara, status dźviarej i voknaŭ, pracu kandycyjaniera, sihnalizacyi i inšyja paramietry. Akramia taho, praz hieałakacyju možna budzie ŭ luby momant daviedacca, dzie znachodzicca mašyna, i ŭbačyć jaje na karcie.
Z punktu hledžańnia biaśpieki kompleks padklučajecca da CAN-šyny aŭtamabila i ŭ vypadku darožna-transpartnaha zdareńnia aŭtamatyčna pierachodzić u režym ekstrannaha apaviaščeńnia. Dla pieradačy danych vykarystoŭvajecca sietka pakietnaj suviazi, tamu asobnuju SIM-kartu stavić nie spatrebicca.
Čytajcie taksama:
U Biełarusi vypuščany 150‑tysiačny aŭtamabil Belgee
Dola biełaruskaha vytvorcy ŭ prodažach novych aŭto dasiahnuła 70%
Dyrektar «BiełDžy» raskazaŭ, na jakoj mašynie sam jeździć
Zavod «BiełDžy» masava adklikaje niekatoryja svaje aŭtamabili