Rasija i Ukraina praviali pieršy sioleta abmien ciełami zahinułych
Maskva pieradała Ukrainie 1000 ciełaŭ zahinułych, jakija, pavodle śćviardžeńnia rasijskaha boku, naležać ukrainskim vajskoŭcam, paviedamili va ŭkrainskim Kaardynacyjnym štabie pa abychodžańni z vajennapałonnymi. U bližejšy čas Kijeŭ pačnie identyfikacyju ciełaŭ.
Deputat Dziaržaŭnaj dumy, pradstaŭnik parłamienckaj kaardynacyjnaj hrupy pa pytańniach vajennaj apieracyi Šamsaił Saralijeŭ zajaviŭ RBK, što ŭkrainski bok u adkaz pieradaŭ Maskvie 38 ciełaŭ rasijskich vajskoŭcaŭ. U Ministerstvie abarony Rasii pakul heta nie kamientavali.
Apošni raz abmien ciełami zahinułych Rasija i Ukraina pravodzili ŭ śniežni minułaha hoda. Tady Maskva pieradała Kijevu cieły 1000 zahinułych, a Ukraina Rasii — 26 ciełaŭ.