Mer Minska chacieŭ sabie pasadu va ŭradzie, ale Łukašenka nie puściŭ
Častka ludziej va ŭradzie nibyta taksama padtrymlivała pieravod Kucharava.
Uładzimir Kucharaŭ. Fota: BiełTA
Alaksandr Łukašenka pryniaŭ z dakładam staršyniu Minharvykankama Uładzimira Kucharava, piša BiełTA.
Łukašenka zaznačyŭ, što vialikich pretenzij da ciapierašniaha kiraŭnika Minska ŭ jaho niama, ale «pa-mužčynsku prapanavaŭ meru Minska abmierkavać jaho žadańnie pierajści na inšuju pasadu».
Maŭlaŭ, Kucharaŭ chacieŭ by pierajści na pasadu va ŭrad i častka ludziej va ŭradzie heta padtrymlivaje. Ale pa słovach Łukašenki, kiravańnie stalicaj — važnaja reč, Minsk — vitryna Biełarusi, a Kucharaŭ dobra z hetym spraŭlajecca.
Uładzimir Kucharaŭ zajmaje pasadu staršyni Minharvykankama ź vieraśnia 2020 hoda. Z 2018 pa 2020 hod jon byŭ namieśnikam premjer-ministra. Na pasadzie mera jon źmianiŭ Anatola Sivaka, jaki pajšoŭ na pasadu namieśnika premjer-ministra.