Litva zabaraniła ŭvozić u bakach ź Biełarusi i Rasii bolš za 200 litraŭ paliva
Urad Litvy padtrymaŭ prapanovu mytnaha departamienta i ŭvioŭ novaje praviła dla transpartu, jaki ŭjazdžaje ź Biełarusi i Rasii. Ciapier u paliŭnych bakach takich aŭtamabilaŭ dazvolena mieć nie bolš za 200 litraŭ paliva.
Zdymak ilustracyjny. Fota: «Naša Niva»
Na mytni tłumačać nieabchodnaść hetaha kroku tym, što kiroŭcy časta zavoziać lišniuju kolkaść haručaha, kab paśla źlivać jaho i pradavać u Litvie. Pavodle źviestak viedamstva, štodnia miažu pierasiakajuć kala 200 hruzavikoŭ ź biełaruskaj abo rasijskaj rehistracyjaj, a za miesiac ich nabirajecca bolš za siem tysiač.
Adna fura moža pryvieźci da 500 litraŭ paliva, što ŭ sukupnaści daje kala 100 tysiač litraŭ za sutki. Z-za hetaha, pavodle padlikaŭ litoŭskich uładaŭ, dziaržaŭny biudžet štomiesiac niedaatrymlivaje da 2,2 miljona jeŭra padatkaŭ.
Čytajcie taksama:
Litva pryhraziła Biełarusi novym zakryćciom miažy
Litva źvierniecca da ZŠA ŭ spravie apošniaha vypadku ź mieteazondami
Kala biełaruska-litoŭskaj miažy ašyvajecca statak hałodnych dzikoŭ