Na Zimovaj Alimpijadzie vystupić rekordna nizkaja kolkaść rasijan
Na Alimpijadzie-2026 u Italii vystupiać 13 rasijskich spartsmienaŭ
Fota: Maja Hitij/Getty Image
Zaprašeńni vystupić u niejtralnym statusie na Alimpijskich hulniach u Italii atrymali 13 rasijskich spartsmienaŭ. Ich imiony apublikavaŭ Mižnarodny alimpijski kamitet (MAK).
Heta hornyja łyžniki Julija Plaškova i Siamion Jafimaŭ, sanačniki Pavieł Rapiłaŭ i Darja Alesik, fihurysty Piotr Humieńnik i Adelija Pietrasian, łyžniki Savielij Karaścialoŭ i Darja Niaprajeva, kańkabiežcy Ksienija Karžova i Anastasija Siamionava. Da ŭdziełu ŭ spabornictvach pa ski-alpiniźmie zaprošany Mikita Filipaŭ, pa šort-treku — Ivan Pasaškoŭ i Alena Kryłova.
Rasijskija spartsmieny buduć vystupać na Alimpijadzie ŭ niejtralnym statusie, jaki im jašče treba paćvierdzić, i tolki ŭ indyvidualnych dyscyplinach.
Na spabornictvach Letniaj Alimpijady ŭ Paryžy ŭ 2024 hodzie ŭdzieł prymali 15 rasijskich spartsmienaŭ. Takim čynam, na budučaj Zimovaj Alimpijadzie vystupić minimalnaja kolkaść rasijskich spartoŭcaŭ za ŭsiu najnoŭšuju historyju, mienš było apošni raz u 1908 hodzie.
Na Zimovaj Alimpijadzie 2022 hoda ŭ Piekinie było 212 rasijan, jakija zavajavali 32 miedali (5 załatych, 12 srebranych i 15 bronzavych)
Rasijski sport byŭ spačatku pad banam za dopinhavyja skandały, a ciapier znachodzicca pad banam paśla pačatku poŭnamaštabnaj vajny va Ukrainie. Mižnarodnyja fiederacyi bijatłonu i chakieju zabaranili rasijskim, a taksama i biełaruskim spartoŭcam udzielničać u spabornictvach.
Biełarusaŭ taksama budzie minimalna na Zimovych alimpijskich hulniach, usiaho siem.
U Piekinie-2022 było 29 spartoŭcaŭ. Tam biełarusy zdabyli dva srebranyja miedali.
Alimpijskija hulni buduć prachodzić z 6 da 22 lutaha ŭ Miłanie i Karcina-d'Ampieca.