Izrail viarnuŭ ź siektara Haza cieła apošniaha zakładnika
Ź siektara Haza viarnuli cieła apošniaha izrailskaha zakładnika, jakoha zabrali 7 kastryčnika 2023 hoda. Pa danych CACHAŁ, heta 24‑hadovy palicejski Ran Hvili, cieła jakoha apaznali i pieradali Izrailu.
Ran Hvili
Hvili zahinuŭ padčas napadu bajevikoŭ CHAMAS na kibuc Ałumim. Jon byŭ na balničnym, ale samastojna vyjšaŭ abaraniać mirnych žycharoŭ. Jahonaje cieła bolš za dva hady ŭtrymlivali ŭ siektary Haza.
Pavodle Armii abarony Izraila, astanki mužčyny znajšli ŭ brackaj mahile na ŭschodzie horada Haza. Kaardynaty pachavańnia CHAMAS nie pieradaŭ, infarmacyju atrymali ŭ vyniku samastojnych pošukaŭ.
Viartańnie cieła Hvili likviduje apošniuju pieraškodu dla adkryćcia KPP «Rafa» i pierachodu da druhoj fazy pieramirja pamiž Izrailem i CHAMAS. Upieršyniu z 2014 hoda ŭ siektary Haza nie zastajecca izrailskich zakładnikaŭ.
Čytajcie taksama:
Izrail pieršym pryznaŭ Samalilend niezaležnaj dziaržavaj
U Biełarusi znoŭ stali prapanoŭvać tury ŭ Izrail
Nietańjachu prosić ab pamiłavańni ŭ karupcyjnaj spravie. Za jaho zastupiŭsia i Tramp