Ukrainski deputat zahinuŭ u avaryi — na kvadracykle ŭrezaŭsia ŭ maršrutku
34‑hadovy Arest Sałamacha byŭ z partyi «Słuha naroda». Na prezidenckich vybarach 2019 hoda jon byŭ davieranaj asobaj Zialenskaha.
Arest Sałamacha. Fota: fejsbuk
Narodny deputat Ukrainy ad partyi «Słuha naroda» Arest Sałamacha zahinuŭ u avaryi. Uviečary ŭ niadzielu, 25 studzienia, u Sakolnikach kala Lvova jon na kvadracykły vyjechaŭ na sustrečnuju pałasu ruchu i na chutkaści ŭrezaŭsia ŭ maršrutku. Pra heta paviedamlaje lviv.media.
34‑hadovaha Aresta Sałamachu špitalizavali ŭ balnicu ŭ Lvovie ŭ krytyčnym stanie. Deputata dvojčy reanimavali, adnak jon pamior.
Na apublikavanych u sietcy fota vidać, što ŭ vyniku łabavoha sutyknieńnia ŭ maršrutki paškodžany bok kiroŭcy. Taksama piaredniaja častka kvadracykła atrymała istotnyja paškodžańni.
Nakont inšych paciarpiełych u avaryi infarmacyi pakul niama.
Sałamacha ŭ 2020 hodzie ŭvajšoŭ u radu Lvoŭskaj abłasnoj partyi «Słuha naroda».
Padčas prezidenckich vybaraŭ 2019 hoda Sałamacha byŭ davieranaj asobaj budučaha prezidenta Uładzimira Zialenskaha.
Da 2019 hoda pracavaŭ u kampanii svajho cieścia TAA «Bud Inviest Kam», jakaja zajmajecca zabudovaj; pracavaŭ mieniedžaram pa pastaŭkach, namieśnikam dyrektara pa budaŭnictvie i dyrektaram kampanii.