U Breście sabrali pieršy biełaruski katamaran
Pratatyp pieršaha biełaruskaha katara-katamarana sabrali na vytvorčaj placoŭcy «MAZ-MAN» i pakazali kiraŭniku Bresckaj vobłaści Piatru Parchomčyku.
Skrynšot ź videa
Pakul katamaran adzinkavy, jaho čakajuć vyprabavańni na biełaruskich rekach i aziorach. Kali jany projduć paśpiachova, płanujecca naładzić sieryjny vypusk na Pinskim sudnabudaŭničym zavodzie.
Katamarany — heta dvuchkorpusnyja sudny z šyrokaj pałubaj. Jany charaktaryzujucca dobraj ustojlivaściu na vadzie i małym kačańniem na chvali. Dziakujučy nievialikaj asadcy ich zručna vykarystoŭvać na miełkavodździ i siarod čarotu.
Na katamarany staviać dva ruchaviki, što robić ich bolš manieŭranymi i ruchavymi. Asablivaść hetych sudnaŭ — vialikaja pałuba, jakaja zabiaśpiečvaje dadatkovuju prastoru.