Łukašenka daŭ Sielivierstavu dadatkovyja paŭnamoctvy

Juryj Sielivierstaŭ, pryznačany 22 studzienia pasłom Biełarusi ŭ Rasii, taksama budzie pradstaŭlać Biełaruś u Ekanamičnaj radzie SND, zajmacca pytańniami intehracyjnaha supracoŭnictva ŭ ramkach «Sajuznaj dziaržavy», Jeŭrazijskaha ekanamičnaha sajuza, SND i ADKB. Nakont hetaha Łukašenka padpisaŭ asobny ŭkaz.

Juryj Sielivierstaŭ

U adpaviednaści z ukazam, Sielivierstaŭ atrymaŭ paŭnamoctvy namieśnika premjer-ministra pa pytańniach dziejnaści Biełarusi ŭ ramkach «Sajuznaj dziaržavy» i adnosin z Rasijaj. Jon budzie pradstaŭlać Biełaruś u kantaktach z rasijskimi čynoŭnikami i orhanami ŭrada, a taksama ŭ orhanach «Sajuznaj dziaržavy» pa pytańniach dvuchbakovaha supracoŭnictva. Sielivierstaŭ moža ŭnosić prapanovy ŭ biełaruski ŭrad, orhany dziaržaŭnaha kiravańnia, abłasnyja i haradskija vykanaŭčyja kamitety ŭ pytańniach handlova-ekanamičnaha i inviestycyjnaha supracoŭnictva z Rasijaj.

Akramia taho, jon budzie kaardynavać dziejnaść biełaruskich orhanaŭ i inšych padnačalenych uradu arhanizacyj, pradstaŭnikoŭ Biełarusi ŭ orhanach «Sajuznaj dziaržavy», davać im abaviazkovyja dla vykanańnia ŭkazańni i kantralavać ich vykanańnie.

Adznačajecca, što Sielivierstaŭ niasie asabistuju adkaznaść za prasoŭvańnie nacyjanalnych intaresaŭ Biełarusi ŭ ramkach «Sajuznaj dziaržavy» i ŭ dačynieńniach z Rasijaj.

Kamientary da artykuła