Cichanoŭskaja vykazała spačuvańni z nahody śmierci Iryny Bykavaj
Śviatłana Cichanoŭskaja vykazałasia z nahody śmierci ŭdavy piśmieńnika Vasila Bykava Iryny Bykavaj i vykazała spačuvańni jaje rodnym i siabram.
Iryna Bykava
«Pamierła žonka Vasila Bykava. Iryna Michajłaŭna na praciahu dziesiacihodździaŭ niesła praz žyćcio pamiać, hodnaść i praŭdu pra Vasila.
Jaje šlach — heta prykład cichaha, ale mocnaha kachańnia, viernaści i čałaviečaj vieličy. Takija ludzi nie šukajuć uvahi, ale mienavita jany trymajuć śviet.
Vykazvaju hłybokija spačuvańni rodnym, siabram i ŭsim, chto viedaŭ i šanavaŭ Irynu Michajłaŭnu. Śvietłaja pamiać», — skazała demakratyčnaja lidarka.
Pra śmierć Iryny Bykavaj stała viadoma 21 studzienia. Joj niadaŭna spoŭniłasia 99 hadoŭ, a niezadoŭha da hetaj daty žančyna trapiła ŭ balnicu ź pierałomam ściahna i infarktam.
Čytajcie taksama:
Pamierła Iryna Bykava, udava Vasila Bykava
Ź pierałomam ściahna i infarktam trapiła ŭ balnicu ŭdava Vasila Bykava