U Biełarusi abmiežavali dla ŭsich mabilny internet. 30 hihabajtaŭ na miesiac na maksimalnaj chutkaści, a paśla abmiežavańni

Paśla vyčarpańnia 30 HB apieratar źnizić chutkaść internetu da 1 Mbit/s.

Zdymak ilustracyjny. Fota: «Naša Niva»

Ministerstva suviazi i infarmatyzacyi Biełarusi vyznačyła novyja patrabavańni da akazańnia pasłuh mabilnaha internetu. Pastanovu apublikavali na Nacyjanalnym pravavym partale.

Pavodle hetaj pastanovy:

• Dla ŭsich abanientaŭ ź nieabmiežavanymi taryfami ciapier harantujecca minimalny abaviazkovy abjom vysokachutkasnaha internetu — 30 HB u miesiac. Pakul hety abjom nie vyčarpany, chutkaść pieradačy danych abmiežavańniaŭ mieć nie moža.
• Paśla vyčarpańnia 30 HB apieratar abaviazany źnizić chutkaść internetu da 1 Mbit/s.
• Kab adnavić vysokuju chutkaść, karystalniku treba budzie kupić dadatkovy pakiet trafiku abo praciahnuć pieryjad akazańnia pasłuh.

Pastanova nabudzie moc praź miesiac paśla aficyjnaj publikacyi.

Kamientary da artykuła