U Partuhalii padpalili skulpturu Kryšcijanu Ranałdu
Na partuhalskim vostravie Madejra nieviadomy mužčyna padpaliŭ statuju viadomaha futbalista Kryšcijanu Ranałdu, napadnika saudaŭskaha kłuba «Al-Nasr» i zbornaj Partuhalii pa futbole. Incydent adbyŭsia na praśpiekcie Avienida-du-Mar u horadzie Funšał, paviedamlaje vydańnie Correio da Manhã.
Skrynšot ź videa
Akt vandalizmu mužčyna źniaŭ na videa i vykłaŭ u sacyjalnaj sietcy. Na zapisie bačna, jak jon tančyć pad muzyku, paśla čaho palivaje statuju lohkaŭzharalnaj vadkaściu i padpalvaje jaje.
Palicyja Madejry paviedamiła, što asoba parušalnika ŭžo ŭstanoŭlenaja. Raniej hety čałaviek užo ździajśniaŭ padobnyja supraćpraŭnyja dziejańni.
Statuja Kryšcijanu Ranałdu da incydentu. Fota: Getty Image
Kryšcijanu Ranałdu źjaŭlajecca čempijonam Jeŭropy i dvojčy pieramahaŭ u Lizie nacyj u składzie zbornaj Partuhalii. Jon piacirazovy ŭładalnik «Załatoha miača». Futbalist naradziŭsia i vyras u Funšale, a padpalenaja statuja staić kala stvoranaha na jahonaj radzimie muzieja.
Čytajcie taksama:
Mileŭski: Samaje składanaje — žyć jak Ranałdu. Mnie ž treba vypić piva, vypić vina
Kryšcijanu Ranałdu inviestavaŭ u zasnavany biełarusam startap
Kryšcijanu Ranałdu naviedaŭ viačeru ŭ Biełym domie razam z saudaŭskim naślednym pryncam
Kryšcijanu Ranałdu ŭpieršyniu atrymaŭ čyrvonuju kartku ŭ hulniach za Partuhaliju
Kryšcijanu Ranałdu staŭ pieršym u historyi futbalistam-miljarderam